Moderatori i “Big Brother VIP Kosova”, Alaudin Hamiti ka ngacmuar publikun për sezonin e pestë të reality show-t. Hamiti në Instastory ka publikuar një fotografi të kastit, të mbuluar me blur, duke lënë gjithçka në mister sa i përket emrave dhe fytyrave të personazheve që pritet të bëhen pjesë e këtij sezoni.

“Prapa këtij bluri fshihen emrat dhe fytyrat që do të pushtojnë çdo bisedë tuajën këtë sezon. Kasti më i fuqishëm deri më sot. Si një vepër arti… kasti i Big Brother VIP Kosova 5”, ka shkruar Hamiti krahas fotografisë.

Megjithatë, emrat e konkurrentëve ende nuk janë bërë publikë zyrtarisht, ndërsa mbetet për t’u parë se cilat do të jenë surprizat që “Big Brother VIP Kosova 5” do të sjellë këtë sezon.