Ka përfunduar protesta e ditës së 90-të kundër qeverisë dhe kryeministrit Edi Rama, e cila u shoqërua me një marshim të gjatë të qytetarëve nëpër rrugët e Tiranës.

Pas fjalimeve, protestuesit u nisën nga Kryeministria drejt qendrës së kryeqytetit, duke parakaluar pranë ministrive dhe Bashkisë së Tiranës.

Marshimi vijoi më tej drejt zonës së “9-katësheve” dhe Shallvareve, për t’u rikthyer më pas në Bulevardin “Dëshmorët e Kombit”, përpara Kryeministrisë, aty ku zhvillohet protesta e përditshme.

Në përfundim të tubimit, qytetarët përsëritën kërkesën e tyre për largimin e kryeministrit Edi Rama, ndërsa thirrjet “Rama, dorëhiqu!” dhe “Nesër më shumë!” shoqëruan mbylljen e protestës, e cila sot shënoi tre muaj nga nisja.