Surprizë: Dy ish-konkurrentët e BBV po bëhen prindër të një
Kevin Edmond dhe Ana Ejupi po përgatiten të mirëpresin fëmijën e tyre të parë, duke ndarë me publikun edhe lajmin emocionues mbi gjininë e bebes.
Lidhja mes dy ish-banorëve të “Big Brother VIP Kosova 3” u shfaq për herë të parë para syve të publikut gjatë reality show-t, ndërsa tani ata kanë konfirmuar se familja e tyre do të shtohet me një vajzë.
Përmes një postimi në rrjetet sociale, të realizuar gjatë kohës që po shijonin pushimet në bregdet, çifti ka ndarë lajmin e gëzueshëm. Në video, Ana tregon këpucë të vogla në ngjyrë rozë, duke konfirmuar kështu se po presin një vajzë.
“Çfarë bekimi”, ishte komenti që shoqëronte videon e tyre, e cila është pritur me një vërshim urimesh nga fansat.
Ky njoftim për gjininë vjen vetëm disa javë pasi dyshja bëri publike për herë të parë lajmin e bukur të shtatzënisë së tyre.
Dashuria e tyre lindi nën dritat e studiove të “Big Brother VIP Kosova”, por marrëdhënia u forcua edhe më shumë pas mbylljes së këtij rrugëtimi televiziv. Tashmë, ata po nisin një kapitull të ri dhe tepër të rëndësishëm në jetën e tyre, atë të prindërimit.
Leave a Reply