Gjithë vendi pritet të shkojë në procesin e rinumërimit të votave për zgjedhjet parlamentare të 28 dhjetorit. Vendimi akoma nuk është marrë dhe për këtëçështje do të vendosin anëtarët e KQZ-së.

Megjithatë burimet e Klan Kosovës brenda QNR kanë bërë me dije se në këtë qendër janë në përgatitje të shtohen tavolina dhe staf.

Klankosova.tv ka kontaktuar zëdhënësin e Komisionit Qendror të Zgjedhjeve, Valmir Elezin, i cili tha se varësisnt nga gjetjet do të merret vendimi i ri.

“Sipas vendimit të KQZ-së, i datës 13 janar 2026, rinumërimi i plotë do të përfshijë 10 komuna, ndërkaq në 28 të tjera do të rinumërohen vetëm nga 10% e vendvotimeve të tyre. Varësisht nga gjetjet gjatë rinumërimit në këto 28 komuna, KQZ mund të marrë vendim të ri për rinumërim të vendvotimeve të tjera. Aktualisht, KQZ nuk ka marrë ndonjë vendim tjetër”, tha Elezi për Klankosova.tv