Lajmin e ka bërë të ditur vetë prezantuesi përmes një postimi në rrjetin social Instagram, ku ka ndarë një fotografi nga spitali. Hamiti ka sqaruar se ndërhyrja ka qenë për heqjen e gurëve nga kanali urinar, një procedurë e domosdoshme dhe e pashmangshme për shëndetin e tij.

Ai ka bërë të ditur se gjendja e tij shëndetësore është e mirë dhe se po rikuperohet me sukses. Po ashtu, moderatori ka shprehur shpresën që të premten të rikthehet në ekran, në PRIME-in e parë të Big Brother VIP Kosova për vitin 2026, aty ku – siç u shpreh – emocionet janë të vërteta.