Kryeministri në detyrë, Albin Kurti, ka uruar qytetarët për Vitin e Ri 2026 përmes një videoje të publikuar në profilin e tij në Facebook, duke falënderuar për besimin dhe mbështetjen për katër vitet e ardhshme.

Ai premtoi se qeveria e re do të formohet shpejt dhe do të miratojë ligje dhe masa të rëndësishme, përfshirë buxhetin e vitit të ardhshëm, ligjin për çmimet tavan, pagën e 13-të për shërbyesit civil, heqjen e kufizimit të punësimit për veteranët e UÇK-së dhe pakon për përballje me inflacionin.

Kurti theksoi gjithashtu suksesin e katër palëve të zgjedhjeve gjatë vitit 2025, duke theksuar se procesi kaloi pa incidente dhe me rezultate të pranuara nga të gjithë.

Në përshkrimin e videos, ai shkroi:
“Gëzuar 2026-ta! Ju uroj mbrëmje të këndshme, kremtim të paharrueshëm me familjen dhe miqtë. Jam zotuar para jush për siguri dhe begati. Ju siguroj një vit të ri të sigurt dhe të begatë.”