Pas ndarjes nga jeta këngëtarit Shpat, partnerja e tij Selvija ka prekur thellë ndjekësit në rrjetet sociale me një reagim tejet emocional.
Ajo ka zgjedhur që dhimbjen e saj ta ndajë përmes një postimi në Instastory, ku ka publikuar një foto të biletave të udhëtimit që kishin së bashku, duke i shoqëruar me një mesazh prekës që pasqyron mungesën dhe boshllëkun e madh të lënë pas nga humbja e tij.
“Sot do doja më shumë se gjithçka të kisha edhe biletën tënde në dorë”, ka shkruar Selvija, një fjali e thjeshtë por shumë domethënëse, që shpreh jo vetëm dhimbjen e momentit, por edhe ëndrrat dhe planet e ndërprera përgjithmonë.
Ky postim është interpretuar nga ndjekësit si një simbol i rrugëtimit të tyre të përbashkët dhe i udhëtimit që duhej të vazhdonin së bashku, por që fatkeqësisht u ndërpre papritur.
Kujtojmë se Selvija dhe Shpati ndodheshin në Itali në momentin kur këngëtari ndërroi jetë, çka e bën edhe më të rëndë emocionalisht këtë humbje.
hpati u nda nga jeta në moshën 40-vjeçare, duke lënë pas familjen, miqtë dhe njerëzit e zemrës së tij në një dhimbje të madhe.
Lajmi i vdekjes së tij ka tronditur opinionin publik dhe botën e muzikës, ndërsa reagimet dhe mesazhet e ngushëllimit kanë qenë të shumta.
Postimi i Selvisë është një dëshmi e fortë e dashurisë dhe lidhjes së tyre, si dhe një kujtim i dhimbshëm i një humbjeje që do të mbetet gjatë në zemrat e atyre që e njohën dhe e deshën Shpatin./ORAinfo/
Leave a Reply